Chocolate Garden@New Town Plaza photos

Chocolate Garden@New Town Plaza

早已風聞新城巿新增了不少特色的餐廳，但是仍然與 W 逛了好一個大?才決定在哪裡落腳．一入去間餐廳已經覺得好熟咁，但睇個名又其實未幫襯過... 結果，仔細看看店內的大鏡，原來這是 Relaxing Tea House 的一個分支，著重於朱古力和甜品．

晚餐的選擇不多，跟平日到西餐廳的午餐 menu 差不多．未選好晚餐我已經想著食甚麼甜品，那些照片真的好吸引呀！W 點的是 70% 熟的牛扒配蒜蓉蝦，而我就食白汁三文魚意粉．先講我那個，魚有點腥，中間用三文魚砌成的花幾靚，唔太捨得食左佢，不過不失．明正言順的試食了 W 的一口牛扒，坦白說很麻麻，跟價錢是不成正比的．

反而全程晚飯，我似在食環境多於一切．很喜歡店內 16 世紀的英國室內設計，不論是吊燈，牆身的花奔圖案，木刻裝飾和墨綠色絲絨梳化．

一頓美滿的晚飯，除了食物和同桌的人，環境和氣氛也是一樣重要呀！

平均消費＝HKD 80/person

＠＠＠
Chocolate Garden
沙田新城巿廣場第一期7 樓704室
26012389

麵屋一平安@美麗華photos

麵屋一平安@美麗華

還是下著雨，本想到南山谷，但要在2030前交檯，不能好好的暢談，結果只好另覓好地方．最後來到美麗華近諾士佛臺的一間日本餐廳．名字十分有趣，內裡佈置是典型的日本酒吧，天花板的三條鯉魚夠哂搶眼．

講番 d 食物，先前在 Starbuck 食左野的緣故，所以兩個人只點了三道菜：炸八爪魚軟骨（但實情八爪魚有骨的嗎？）特製什錦拉麵同埋串燒三文魚．

炸野向來都好好食，香口嘛，這個新口味也不錯，好有咬口．

拉麵有基本的半開蛋，日本叉燒, 紫菜,仲有一款呢間舖好出名的豬腩肉，面有一層半透明的脂肪，食落去滑而不膩．一試難忘！豬骨湯底好濃，都幾重麵豉味．

串燒三文魚係我的推介，外面脆卜卜，一咬就出哂魚油，呢個整法絕對係成功地封住 d 三文魚汁，原汁原味，連對食好有要求的 J 都讚不絕口．

小休片刻，跟 J 談談離開舊公司後的近況．J 是我舊公司的同事，不論是以前還是現在，跟 J 一起就有種一見如故的感覺，仲記得以前在公司，我和 J 就似孖公仔咁，最叻就係傻笑．後來大家先後 quit，各有不同的發展，幸好，大家現在都很好．

見肚子還有一點空，點了兩個雪糕．J 的柚子雪糕好香柚子味，好似平時經常飲的柚子蜜咁，面頭仲有一粒粒柚子，食落似雪葩．我的綠茶味也不錯，好滑好香．

好滿足，幸福的感覺就係咁簡單．

＠＠＠
麵屋一平安
尖沙咀金巴利道1號諾士佛階第2層11號（可由美麗華商場電梯上2樓）
27224826

Starbucks@中港城

返到香港先至落雨... 在船上差點凍到暈，幸好一出海關後就見到 Starbucks，非要飲番杯 Mocha才行！本身冇打算食野，但見到個 Berries Tart 好似幾好食咁，所以買來試試．真的不錯，不太甜，藍莓味夠濃，不過士多啤梨就熟得滯，有點爛．

其實今晚約了 J 食飯，在這裡飲杯咖啡食個餅，看看雜誌，一邊等她放工，實在是輕鬆無比！

@@@
Starbucks Coffee
尖沙咀廣東道33號中港城1樓17A
2317 1250

Starbucks@MK

再次來到我和 A 的老地方，找到內裡一雙梳化的位置，夜晚天氣仍很熱．我選了至愛的 Iced Mocha，A 就試飲新推出的 Banana Mocha Frappaccino. A 的表情已經話左我知味道如何，我再試飲幾啖，果然同我預期中差不多，所以我一直沒有意欲去試這個新產品... 真正食一隻香蕉一定比這個好．

Iced Mocha？當然好飲了，一個好穩陣的選擇，頂頭那堆又大又滑的 cream是不可或缺的！怕肥？好味道有時係要付出點代價的，哈哈?

覺得有d餓，於是買左件cake - 咖啡甜酒蛋糕．外表睇落似件朱古力 cake，事實上佢都係一件朱古力cake，失望！點會一丁點酒味都沒有？俾個名完全呃哂，早知食 blueberries cheesecake 仲好．A 向來不好甜品，只係望住我失落但又繼續食的表情．

@@@
Starbucks Coffee
旺角登打士街56號家樂商場地下G01-02
2770 3051
www.starbucks.com.hk

Music Cafe@MK

因為 A 喜歡聽 jazz，所以特意相約在一間有得聽 jazz 的 cafe．原來同一座商廈都有不同的樓上 cafe．環境幾好，可惜的是，在場的人似乎都不是因為音樂而來，嘈雜人聲幾乎蓋過了音樂．我和 A 坐在最近音響的一張圓桌，桌上有個小小的燭台，用油點燃著兩個小洋燭．

未知 A 對他的 Cappacinno 是否滿意，從他慢慢品嚐來看，味道應該不錯．至於我的榛子咖啡，味道一般，想像中的甜味變成了淡淡的苦澀．

這次來沒有吃紅酒釀雪梨，盼望下一次再來，氣氛會好一點，也能夠如 A 所想，聽到 Dany Summer 那張 "AM" 黑膠碟．

@@@
Music Cafe
旺角登打士街43H登打士廣場8/F 803-806室
3583-2864
http://www.mymusic-cafe.com

小南國＠尖東

以前在尖東返工都冇留意過有呢間食肆，早幾天跟E商議晚飯地點，想到用得著筷子的，就想起中菜，亦即時想起上海菜．

幸好有預約，到達時已經接近全場爆滿．我們坐在近正門的走廊位，勉強可以望到維港．未看畢整個 menu，已經數了幾道必食的菜式．結果最後點了：生煎包，紅油抄手，醉雞（例牌），小籠包，擔擔面，砂窩雲吞雞（一人份）．不得不讚，那杯熱的梨汁實在是潤喉之寶，好好預備開大餐！

放到成檯面都係食物，已經不顧得甚麼味道要先吃後吃，想食邊樣就夾．先食一個生煎包，口感很好，不過包底油左些少；醉雞味道稍淡，但酒很清香；擔擔面大大碗真抵食，可惜它被忽略太久，發大幾倍之餘亦變得乾水，最後被迫放棄；紅油抄手係我的至愛，但這裡的竟然一點也不辣，但看上去是橙紅色一碟的，實在是美中不足！小籠包同埋砂窩雲吞雞都很好．

我和E邊吃邊談天，樂不可支．最後點了酒讓丸子，為晚飯劃上完美的句號．同樣地，酒很清香，不過這裡的丸子比較大，跟以往食的很不同，但勝在有口感．

總括而言，這裡的環境和食物質素都很好，價錢亦比我想像中合理．值得一試．

＠＠＠
上海小南國
九龍尖沙咀麼地道66號尖沙咀中心地面高層2-13及45-51號
2894-8899