家常便飯＠星河餐廳

跟S收線不久，得悉原本的聚舊飯局要改期，立即想起約S食晚飯（正是剛完結的話題），幸好來得及SMS他．找不到最想食那間，S面帶失落，不過，深水?咁多野食，總有一間在我地附近，來回大街兩旁幾轉，想起在web見過一間有推介的餐廳，只是曾經路過而未試過，結果就來到星河餐廳．

外表都係一間普通餐廳，格局，食物款式亦是一般餐廳model．我很快會選定食豆腐火腩煲（跟餐有湯+油菜），S猶豫了一陣，最後點了蝦仁炒蛋．給我猜中，這一味係每逢想不到食甚麼的最佳選擇，因為... 應該好難會整得唔好食的．阿姐好有禮貌咁放好?菜在檯面，好有一種家常便飯的感覺...

在我心目中，S是個對食物有要求（都幾高）的人，雖然係鍾意食野，但是要食得有價值同埋健康．例如今晚的湯，被他評為味精湯，所以象徵式飲兩啖就停手．和S在一起完全不用擔心會餓親，去到邊都一定搵到好野食．

這餐飯食了近兩個小時，邊說邊笑邊食真的很愉快．意想不到還有免費甜品，仲要係細細碗好好食的腐竹蛋糖水，我和S讚不絕口．S一睇就知道用的係靚腐竹（厲害！）... 為這餐劃上圓滿的句號．

平均消費＝HKD45/person

@@@
星河餐廳
深水涉大南街376號（近西九龍中心）

點心雜會＠蓮香樓

真的"年逢"與S同一個星期六返工，早就相約午飯．星期四才抱怨他的活動破壞了精心的計劃，怎料，峰迴路轉下又能實現最初的計劃---去蓮香樓飲茶．一小時的巴士旅程，偷得一個小睡片刻的機會，不忘提醒S要做做gym，讓他意外的是我能隨時隨地入睡的奇技！

轉兩個路口便到了蓮香樓，好多人，好難得先搵到兩個位，係一張檯搭左4班人．茶來後已急不及待去揀點心，因為坐定已經過左2pm．多謝S每次四出去拿點心，而我就坐享其成．我地食左：豬潤燒賣（未食過，一般味道，但感覺幾新鮮）；鮮竹牛肉球（幾好，唔同出面好多梳打粉個隻）；燒賣（不過不失，唔太油）；棉花雞（幾好食，特別係d棉花... 我知佢係魚肚）；鳳爪（個人覺得一般，可能我對要損骨的東西都比較少出街食，但S好buy呢樣... 記住記住！）．遺憾係... 等唔到我和S最愛的馬拉糕．我仲想食千層糕同埋大包... 唯有下次再來．

幾特別的係，呢邊是一杯杯茶咁上，似功夫茶咁的樣，一人一份．其實我和S斟起茶都同樣雞手鴨腳，但功多藝熟，越飲越沖得好．在這裡飲茶的感覺，好似返到以前細路仔去飲茶咁，好熱鬧，好有一家人的feel，我鍾意咁樣多過宜家去的酒樓．

蓮香樓只是我和S午飯的上半場，既然沒有我們的至愛，S提議轉移陣地再食．結果就走到對面街的九記再食碗牛腩河，兩個人share．我就飲多杯咸柑桔，味道唔錯，希望真的可以潤下喉．兩餐計埋都袛係HKD60一個人，真抵食！

跟S在ifc天橋下道別（放心，你唔會冇左個靚女同事的，haha~）．一個小時後再與E在cwb會合．先到金百利取鞋（越看越著越鍾意！幸好沒有錯過），再四處閒逛，談天說地．想不到會連續兩晚在M記dinner，不過E好有衝動去食，我冇理由唔訓身贊成．我食的係McCafe的出品：小龍蝦芒果沙律三文治（半份）＋Raspberries Cheesecake + Iced Cappuccino．略嫌紅莓不夠酸，其它都非常好，尤其是杯Iced Cappuccino的Cream，仲好過Starbucks．

E先來一個板燒雞腿包餐，再加多個麥樂雞餐，她是我第一個所見一晚食兩個餐的朋友（even係男仔朋友都未有發生過... 佩服佩服！）真擔心她明天能否出到聲...

＠＠＠
蓮香樓
中環威靈頓街160-164號
2544 4556

九記牛腩
中環歌賦街21號地下
2815 0123 / 2850 5967

McDonald's
銅鑼灣怡和街46-54號

甜品宵夜Buffet@Kln Shangri-la

期待已久的甜品宵夜Buffet終於來到！真係要講講有得食呢個Buffet的因由：話說係某一個lunchtime 借同事的雜誌看，發現有呢個Buffet，地點在尖東都幾就腳，而且食物影得好吸引，價錢又唔太貴，於是即刻打電話約定E，就係今日（因為明天係短週，今晚玩夜d都得．）

經過一輪塞車（無錯，又係塞車，真討厭！），8點在海港城與E匯合．閒逛了一個鐘再步行到酒店．到達時間剛剛好9:30pm，可以入席安坐．我們坐的位置較入，環境一流，望到維港．小洋燭玻璃水杯不會少，加埋light jazz，實在無得彈．

Buffet 範圍唔算大，但食物總類幾齊全．好在除左甜品，還有熱葷，感覺上不會只是滿肚甜膩．我應該都試了2/3食物，到後段，當E已經支持不住，我還是繼續努力食，努力試食物．

仲未寫完的... 因為食物實在不能盡錄，唯有列出E和我的 Top 3 及 Bottom 3 供大家參考：

Top 3 by E ---> 1) 心太軟；2) 雞粥; 3) 夾心朱古力Puff
Top 3 by me ---> 1) 雞粥；2) Tiramisu ; 3) 心太軟

心太軟：濃郁的朱古力，即使係隔離幾張檯食緊，都聞得一陣香．外皮脆，中間的朱古力心正是我琴晚自己整唔到那種湧流出來的效果．比較兩個果醬汁，我覺得E的芒果比我的士多啤梨好味道．

雞粥：唔知幾時已經好恨食雞粥，好似大圍or火炭有間好出名的，由undergrad講到宜家都未去食！結果在這裡都食到好好味的雞粥．最緊要係夠熱，剛來到食的第一碗不夠熱，食到後段再來第二碗，熱騰騰更加覺得好味，加埋油條，蔥花和花生，一絕．

Tiramisu：從未食過的味道，好鍾意！底部濃濃的Whisky，好似飲緊Irish Coffee咁．順帶提埋Mable Cheesecake，質感一流，好鬆化，芝士香滑．看來這裡的cake係有番咁上下．

Bottom 3 by E ---> 1) 燉蛋；2) 春卷; 3) 豆腐花
Bottom 3 by me ---> 1) 燉蛋；2) 芝士波; 3) 未諗到

燉蛋：我與E一致認為，佢似係A貨多d... 質地太硬，唔似燉蛋；食唔出蛋味，唔似燉蛋．俾佢精緻的外表呃左...

芝士波：抱有很大期望，因為雜誌寫係極力推介，點知... 好韌，要花點工夫先放到入口，但係，唔好忘記佢係經過 Chocolate Fountain的洗禮，稍一不慎係會食到成咀都係. E覺得芝士味還可以，只是質感實在不太好．但我的失望大得很，不得不放它入Bottom 3.

總括而言，呢餐比我預期的更好，配合環境同服務，實在值得一試，promo 只剩低9月份4個週末的機會only，勿失良機．不論係同好友，情人，家人來試，都係不錯的選擇，觀乎我們身邊的食客，都有齊哂呢幾類的關係．

一如既往，我和E度過的時間總是愉快的．期待下一個飲食旅程...

平圴消費：HKD168/person (計左加一）

@@@
Lobby Lounge, Kowloon Shangri-La
64 Mody Road, TST East, Kowloon
2733 8740